حوار يحرق الدم
فيه اتنين ماشفتش حد فى غلاستهم
بيقعدو دايما مع بعض واللى يقرب منهم يستاهل اللى يجراله
ملحوظه هامه:
اللى بيعانى من اى اضطرابات فى ضغط الدم سواء ارتفاع او انخفاض او عنده دم من اساسه فمن مصلحته انه يفوت الصفحه دى وبلاش يشيلنى ذنبه _ الواحد مش ناقص وقد اعذر من انذر
_ صخره وقعت من فوق عماره ولوح الازازه اللى تحتها ماتكسرش _ ليه؟
علشان موقعتش عليه
_طب فرخه بتعدى الشارع وماتت فجأءه _ليه؟
الصخره وقعت عليها
_طيب ليه ملخفن بيحط كوباية شاى جنبه وهو نايم ؟
علشان الشاى منبه
_طب وليه بيحط جنب كوباية الشاى فنجان قهوة؟
علشان لو الشاى مارنش
_طب ليه بيحط جنبه كوباية ميه فاضيه وكوبايه مليانه؟
علشان ممكن يشرب وممكن ميشربش
_وليه بيحط ملح على راسه
علشان يبقى حدق
_وليه بيحط سكر على الكرسى قبل مايقعد
علشان تبقى قعدته حلوه
_حاجه طايره فى السما وبتقول نياو_ايه هى؟
قطه بيضه مضروبه بالشالوت
_طب حاجه سوداء طايره فى السماء وبتقول نياو _ايه هى؟
غراب بيستهبل
_ طب حاجه بنى طايره فى السماء ومبتقولش حاجه ايه هى؟
فردة الجزمه بتاعة الراجل اللى ضرب القطة البيضه
_طب حاجه سودا طايرة فى السماء ومبتقولش اى حاجه ايه هى؟
غراب عاقل ومبيحبش الاستهبال
_حاجه زرقاء طايره فى السماء ايه هى؟
ذبابه لابسه بنطلون جينز ازرق
_حاجه سودا وفيها خط احمر وطايرة فى السماء من الشرق للغرب_ ايه هى؟
ذبابه لابسه فستان سواريه وحاطة روج ورايحه فرح واحده صاحبتها
_طب حاجه سوداء وفيهاخط احمر وطايره فى السماء من الغرب للشرق _ايه هى ؟
نفس الذبابه نسيت حاجه فى البيت فرجعت تجيبها
_ حاجه سودا ماشيه فى الصحراء ايه هى ؟
سرب نمل رايح يعزى ( ربنا مايجيب حاجه وحشه يا معشر النمل)
_نقطه سوداء على الحيطه......ايه هى؟
ذبابه
_نقطتين سود على الحيطه _ايه هم؟
فيشه
_ طب 3 نقط سود على الحيطه_ ايه هم؟
ذبابه وفيشه
_ طب 54 نقطه سودا على الحيطه تبقى ايه؟
يبقى البياض بيقشر
حاجه رفيعه وطويله ولونها ابيض _ايه هى؟
فتله بيضاء
_ طب حاجه طويله ورفيعه ولونها اسود _ايه هى؟
خيال الفتله البيضاء
الأحد يونيو 17, 2007 9:52 am
